الرئيسيةعصفورة دوت كوم

عصفورة دوت كوم : لوكان فيه خير مارماه الطير !

هاجت وماجت العصافير التى تجمعت من مختلف  Sites  وا Gates على صراخ ولطم الست عصفورة دوت كوم ويقف بجانبها عصفور افندى يهدئ من روعها متسائلا : مالك يادوت كوم ؟!

وهى تهذى بمنقارها : الراجل اياه اللى تم اقالته من رئاسة الهيئة التى حولها الى ميغة ومخالفات وفساد والذى منه !

جري عصفورفضولى من العصافير اللى اتجمعت وهو يقترب من عصفورة دوت كوم هامسا : هو مين يادوت كوم ؟! وجري له ايه ؟!

تدخلت عصفورة تانية تكشف عن معلوماتها : طيب ماتم اقالته وتم ركنه  فى القطاع زعلانه ليه يادوت كوم مش كنت دايما بتكشفيه اول باول وربنا استجاب !

عصفورة دوت كوم وهى تضرب بجناحيها : انا شفت بعينى المسؤول الكبير بيزور الهيئة التى يراسها المأسوف على شبابه وهو يعنف احد رجال المأسوف عليه بسبب دفاعه ونفاقه عن معلمه امام المسؤول الكبير ا اللى نزل  من سيارته ليعنفه بشدة على نفاقه وكذبه  خاصة وهو كان سائق وبسبب البانيه بقى رئيس الجراج!

ردت العصفورة التانية : طيب عايزة ايه تاااااانى !

عصفور افندى يهدئ من انفعال دوت كوم ويسأل : فين المشكلة يادوت كوم !

 رفرفت دوت كوم بجناحيها وهفهفت وهى تتنطط من  Site الى  Site وتقول للعصافير التى التفت حولها : دا المسؤول الكبير اللى عشمنا فيه كتير قام فى اخر زيارة له للهيئة الموقرة وفي إجتماع حضرته قيادات الهيئة وعدد من العاملين واذ بالمسؤول الكبير يلقي بالميكرفون فى وجه المأسوف عليه  اللى قاعد زى البطة البيضا لا بيهش ولا بينش وبعدها كان قرار إلغاء انتدابه ويتم ركنه حتى يتم التحقيق فيما نسب اليه من مخالفات وفساد والذى منه !

غمزت العصافير بعينيها وجلست تنقر بمناقيرها لتثير ضجة وهمهمات متسائلين : طب وبعدين يادوت كوم تعبتينا !

ترد دوت كوم لتهدئ من ضجة وشوشرة العصافير لتفجر القنبلة : هذا المأسوف عليه وهو محال لنيابة الاموال العامة قام المسؤول الكبير اللى عشمنا فيه كتير واعرف انه لايهضمه وبعد كل ده يتم تعيينه فى ” هيئة أخري ” ليحولها التانية الى ” تكية ” خاصة به , وعلى راى المثل لو كان فيه خير مارماه الطير !

يرد عصفور افندى : يمكن ياشيخة كان مظلوم ولا يمكن يتعدل فى منصبه الجديد ربنا يهديه !

تطلق عصفورة دوت كوم ضحكة كبيرة فى الهواء وهى تتنطط على  Site وتدندن : يموت الزمار وإيده بتلعب !

تحدث العصافير الملتفة جلجلة حول دوت كوم بمناقيرها وهى تضرب باجنحتها موجهين الكلام لدوت كوم : تيتي تيتى زى مارحتى زى ماجيتى !

ابو شادى 

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى