HomeNews & ReportsSea sport

سيد الباروكى السباح العالمى يعلن عبوره قناة السويس الجديدة ب “قفزة الدولفين ” فى 6 اكتوبر المقبل

أعلن السباح المصرى العالمى، سيد باروكى، أن العالم سيكون على موعد يوم السادس من أكتوبر المقبل، مع حدث عالمى كبير سيغير فى قواعد التحدى وتاريخ السباحة. وأكد باروكى، استعداده لعبور قناة السويس الجديدة، لأول مرة من خلال سباحة زعانف المانو، وهو التحدى الذى يتم لأول مرة على أرض مصر ويضع قناة السويس على خريطة السباحة العالمية وضمن خطط السباحيين العالمين الذين يخوضون تحدى عبور المانش، خاصة وأن قناة السويس مانع مائى أقوى وأطول من المانش.

وقال باروكى عبر صفحته الخاصة بموقع التواصل الاجتماعى فيس بوك: اللحظة اللى بستناها من زمان، الحلم اللى عشته فى تدريب وتركيز، دلوقتى خلاص هنبدأ أول خطوة فى تنفيذه، بدعمكم وبحبكم هنغير مع بعض التاريخ، هنجيب العالم كله لمصر، وزى ما أبطالنا عملوها زمان وخلوا العالم كله يحلف بالجندى والمقاتل المصرى بعد معجزة عبور القناة فى حرب أكتوبر 73، هنخلى العالم كله يرجع يبص تانى ويعترف تانى بقوة الإرادة والتحدى اللى عند المصريين.

وأضاف: زى ما كانت أنظار العالم كله على قناة السويس فى حرب العبور سنة 73، إن شاء الله هتكون كل عيون العالم على قناة السويس فى 6 أكتوبر اللى جاي، وإحنا بنحقق انجاز جديد وتحدى جديد بعبور قناة السويس الجديدة، سباحة بزعانف المانو، عشان يكون التحدى أكبر ويكون الإنجاز ده بيحصل لأول مرة وأقدر أحقق لبلدى اللى حلمت بيها من زمان، انى دائما أرفع علمها فى كل مكان، ليه يكون تاريخ السباحة قائم على تحدى عبور المانش فى إنجلترا، ليه ما نخلقش مانش جديد ونحط مصر على خريطة السباحة فى العالم، يوم 6 أكتوبر اللى جاى تحدى جديد هدخله بروح انتصار اكتوبر وبدعمكم كلكم ، يوم عبور قناة السويس”.

يذكر ان سباحة المونو بتعتمد علي زعانف اسمها زعانف المونو، والسباحة بتكون تحت المياه بشكل تموجي زي حركة الدولفين في المياه بالظبط، وتكنيك المونو بيعتمد علي تقليل مقاومة السباح للمياه، وده عن طريق فرد الذراعين للاتجاه الأمامي بأقصى شكل يقدر عليه السباح، مع تثبيتها عن طريق وضع الكفين علي بعض، والفراغ بين الذراعين بيكون شبه المثلث.

وكان باروكى قد أعلن الانتهاء من معسكر تدريب فى إيطاليا، وفاجأ السباح المصرى العالمى سيد باروكى، الذى يعتبر أول عربى وأفريقى يدخل موسوعة جينيس لأعلى قفزة من الماء “قفزة الدولفين”، جمهوره بالإعلان عن حدث مهم يستعد له خصيصًا فى إيطاليا.

وقال سيد الباروكى، إنه سيغير خريطة السباحة العالمية خلال شهر أكتوبر المقبل، وسيسجل هذا الحدث باسم مصر لأول مرة فى تاريخ السباحة الدولية، مشيرًا إلى أنه بدأ الاستعداد لهذا الحدث الهام خلال الفترة الماضية، وسافر إلى إيطاليا مؤخرًا من أجل الدخول فى معسكر إعداد خاص من أجل الاستعداد لهذا الحدث الضخم الذى ستشهده مصر فى أكتوبر المقبل وسيكون خطوة كبيرة فى تغير خريطة السباحة العالمية، وسببًا فى أن يجعل مصر قبلة لكل تحديات السباحين فى الفترة المقبلة.

سيد  الباروكى شاب مصرى من محافظة الاسماعيلية هو أحد أبطال العالم فى سباحة الزعانف والتي نجح من خلالها في دخول موسوعة جينيس للأرقام القياسية مرتان، حينما حطم رقمين قياسيين خلال عام 2011..

Show More

Leave a Reply

Your email address will not be published. Required fields are marked *

Back to top button
%d bloggers like this: